Юрген Клопп ЖЧда эксперт сифатида иштирок этади

“Ливерпуль”нинг собиқ бош мураббийи Юрген Клопп 2026 йилги Жаҳон чемпионати учун Германиянинг “Magenta TV” платформасида эксперт сифатида ишлашини тасдиқлади. Бу ҳақда “Telekom” хабар берди.

 “Кўпчилигингиз мен қайтишни хоҳлаётганимни биласиз. Мен ҳам буни тасаввур қилолмагандим. Қайтсамми? Ҳеч нарсани соғинмаяпман деб ўйлагандим. Лекин энди яна хириллашяпти стадион муҳитини ҳис қилишни, ўйинларга яқин бўлишни хоҳлаяпман. Йўқ, мураббий сифатида эмас. 2026 йилги FIFA Жаҳон чемпионатида “Magenta TV” учун эксперт бўлиб ишлайман”, дея изоҳ берди Клопп.

Шу тариқа Клопп Америка Қўшма Штатлари, Канада ва Мексикада ўтадиган мундиаль давомида Германия телерадиокомпаниясининг асосий таҳлилчиларидан бири бўлади.

58 ёшли мутахассис 2023-2024 йилги мавсум якунида “Ливерпуль”ни тарк этгач мураббийликка қайтмаган. У бир неча йирик клуб билан боғланган бўлишига қарамай, қайтиш нияти йўқлигини аввал ҳам айтган эди. Клопп ҳозирда “Red Bull” ташкилотида халқаро футбол бўйича раҳбар сифатида фаолият юритмоқда.

Мутахассиснинг келажаги ҳануз ноаниқ бўлиб қолмоқда, бироқ унинг сўнгги фаолияти Клопп мураббийликнинг кундалик босими ўрнига футболдаги стратегик жараёнларга таъсир кўрсатишни афзал кўраётганини кўрсатмоқда.

Эслатиб ўтамиз, аввалроқ “Ливерпуль”нинг собиқ бош мураббийи Юрген Клопп келажакда мерсисайдликларни яна бошқариши “назарий жиҳатдан мумкин”лигини маълум қилган эди.