Amaldagi chempionlar mundial uchun tarkibini e’lon qildi

Amaldagi jahon chempionlari – Argentina terma jamoasi ham mundial uchun yakuniy tarkibini e’lon qildi. Bu haqda mamlakat futbol federatsiyasi matbuot xizmati xabar berdi.

Argentina terma jamoasining jahon chempionati uchun yakuniy tarkibi quyidagicha:

Unga ko‘ra, Argentina terma jamoasi hujumchisi va sardori Lionel Messi oltinchi marta Jahon chempionatida ishtirok etadi. Messi bungacha 2006, 2010, 2014, 2018 va 2022 yillardagi Jahon chempionatlarida ishtirok etgan. So‘nggi mundialda Messi va Argentina terma jamoasi hal qiluvchi o‘yinda Fransiyani mag‘lub etib, turnir chempionligiga erishgan.

Ma’lumot uchun, 2026 yilgi FIFA Jahon chempionati joriy yilning 11 iyunidan 19 iyuligacha Qo‘shma Shtatlar, Kanada va Meksikada bo‘lib o‘tadi. Unda Argentina terma jamoasi Jazoir, Avstriya va Iordaniya bilan birgalikda “J” guruhidan joy olgan. Lionel Skaloni shogirdlari mundialni joriy yilning 17 iyun kuni Jazoirga qarshi o‘yin bilan boshlaydi.

Eslatib o‘tamiz, avvalroq Portugaliya terma jamoasi ham mundial uchun yakuniy tarkibini e’lon qilgandi.