“Barqaror ish va sifatli mahsulot”. Bahrom Xodjimatov “Faol tadbirkor” nishoni bilan taqdirlandi

Bir paytlar Namangan dalalarida oddiy bog‘ barpo etish orzusi bilan boshlangan yo‘l bugun davlat darajasidagi e’tirofga aylandi. O‘zbekiston Respublikasi Prezidenti qarori bilan “Siberian Wellness-Namangan” MCHJ (NamAgro Tech) bosh direktori Bahrom Xodjimatov “Faol tadbirkor” ko‘krak nishoni bilan taqdirlandi.

2025 yil 18 avgust kuni Prezident farmoyishi bilan taqdim etilgan ushbu mukofot — Xodjimatov va uning jamoasining iqtisodiyotga qo‘shayotgan real hissasini e’tirof etadi. NamAgro Tech nafaqat bog‘dorchilikni rivojlantirish, balki qayta ishlash, eksport va ish o‘rinlari yaratishda ham mintaqadagi drayverga aylangan.

2025 yil natijalariga ko‘ra, kompaniya 170 ta doimiy va 250 tagacha mavsumiy ish o‘rinlari yaratdi. 415 gektarli bog‘lar, xalqaro standartlarga mos ishlab chiqarish tizimlari (FSSC 22000, Halal, ISO 14001) mahsulotlarni nafaqat ichki bozorga, balki xorijga ham chiqarishga imkon bermoqda.

 2025 yil may oyida esa NamAgro Tech “BrandAwards International 2024” tanlovida “Qishloq xo‘jaligi sanoatini rivojlantirish va xalqaro bozorga muvaffaqiyatli chiqish” nominatsiyasida g‘olib bo‘ldi.

Kelgusida kompaniya bog‘larni 2 000 gektargacha kengaytirish, pektin ishlab chiqarish liniyasini ishga tushirish hamda biologik faol qo‘shimchalar ishlab chiqarishni yo‘lga qo‘yishni rejalashtirmoqda.

Bahrom Xodjimatovning o‘zi esa yutuqlarni oddiy so‘zlar bilan izohlaydi:

“Balandparvoz gaplar o‘rniga – amaliy ishlar: odamlar uchun barqaror ish, iste’molchilar uchun sifatli mahsulot, davlat uchun soliq va eksport.”

Bahrom Xodjimatovning “Faol tadbirkor” nishoni bilan taqdirlanishi — bu nafaqat shaxsiy yutuq, balki butun jamoa mehnatining davlat darajasida tan olinishidir. NamAgro Tech bugun Namangan, ertaga esa butun O‘zbekiston uchun yangi imkoniyatlar eshigini ochayotgan texnologik qishloq xo‘jaligi loyihasiga aylandi. Shu bois, bu mukofot yakun emas, balki yangi marralarga yo‘l ochuvchi mas’uliyat va ilhom manbaidir.

Telefon: (+998) 78−113−87−67
Sayt: uz.siberianhealth.com
Facebook: @siberianwellnessuzbekistan
Instagram: @siberianwellness_uzbekistan
Telegram: @swuzbekistan

Reklama huquqi asosida