BMT Erondagi qo‘zg‘alon bo‘yicha yig‘ilish o‘tkazadi

Birlashgan Millatlar Tashkiloti Xavfsizlik kengashi bugun, 15 yanvar kuni AQSH so‘roviga binoan Erondagi vaziyat bo‘yicha yig‘ilish o‘tkazadi. Bu haqda yanvar oyida Xavfsizlik kengashi raisi vazifasini bajaruvchi Somalining jahon tashkilotidagi doimiy vakolatxonasi ma’lum qildi. 

AQSH iltimosiga ko‘ra, raislik Yaqin Sharqdagi vaziyat kun tartibi doirasida Erondagi vaziyat bo‘yicha brifing o‘tkazishni belgiladi. Yig‘ilish 2026 yil 15 yanvar kuni Nyu-York vaqti bilan soat 15:00 da bo‘lib o‘tadi.

Erondagi vaziyat

Eronda 2025 yil 28 dekabr kuni milliy valyuta kursi keskin tushib ketganidan so‘ng norozilik namoyishlari boshlandi. Ular politsiya bilan to‘qnashuvlar, ma’muriy binolarga hujumlar va butun mamlakat bo‘ylab internetga kirishni cheklash bilan birga sodir bo‘ldi. AQSH Prezidenti Donald Trampning aytishicha, Vashington Eron rasmiylari namoyishchilarga qarshi kuch ishlatishni boshlasa, aralashishga tayyor. Eron oliy rahbari Ali Xomanaiy Oq uy rahbarini o‘z mamlakati ishlari bilan shug‘ullanishga chaqirdi. Eron Xavfsizlik kengashi tartibsizliklarni uyushtirganlikda AQSH va Isroilni aybladi. 

13 yanvar kuni Tramp Erondagi norozilik namoyishlari ishtirokchilarini hokimiyat organlarini egallashga chaqirdi. Shuningdek, u Eron rasmiylari bilan barcha uchrashuvlarni bekor qilganini ma’lum qildi. Rossiya TIV rasmiy vakili Mariya Zaxarova Rossiya Eronning ichki ishlariga buzg‘unchi tashqi aralashuvni keskin qoralashini aytdi. 

O‘z navbatida, Eron hukumati mintaqaning AQSH harbiy bazalari joylashgan davlatlarini, agar AQSH qo‘shinlari hujum boshlasa, ushbu bazalarga zarba berishlari haqida ogohlantirdi. Qatar xalqaro media-ofisi 14 yanvar kuni AQSH Yaqin Sharqdagi eng yirik Al-Udeyd aviabazasidan xodimlarning bir qismini olib chiqqanini ma’lum qildi. 

15 yanvar kuni Eron xalqaro reyslardan tashqari mamlakat osmonini yopdi.