Qozog‘istonda DNK tufayli 23 yil oldingi qotillik fosh etildi (video)

Qozog‘istonda 2002 yil 4 oktyabrda sodir etilgan qotillik fosh etildi. DNK tekshiruvi gumonlanuvchining shaxsini aniqlashga yordam berdi. Bu haqda “Tengrinews” xabar berdi.

Jinoyat qurboni Aqmola viloyati Oqko‘l shahrida yashovchi 29 yoshli fuqaro bo‘lgan. Ko‘chada bir erkak bilan uchrashganidan keyin u hech qachon uyiga qaytmagan. Ertasi kuni uning og‘ir jarohatlangan jasadi mahalliy stadion yaqinidagi jamoat hojatxonasidan topilgan.

Dastlabki tergov harakatlari davomida politsiya voqea sabablarini aniqlagan va ehtimoliy gumonlanuvchidan biologik material yig‘gan. Biroq barcha sa’y-harakatlarga qaramay, jinoyatchining shaxsini aniqlashning imkoni bo‘lmagan, jinoyat uzoq vaqt davomida ochilmay qolgan.

23 yil o‘tgach, molekulyar genetik testdan foydalanib, gumonlanuvchining DNKsini aniqlashga imkon beradigan genetik xususiyatlar aniqlandi.

Joriy yilning 2 oktyabr kuni politsiya 60 yoshli gumonlanuvchini vahshiy qotillikni sodir etishda gumon qilib hibsga oldi. Tergov tugaguniga qadar u vaqtinchalik saqlash hibsxonasiga joylashtirildi. Hozirda zaruriy tergov harakatlari olib borilmoqda.

Eslatib o‘tamiz, avvalroq AQSHning Ogayo shtatida yashovchi shaxsga deyarli 50 yil oldin sodir etilgan qotillikda ayblov ishi e’lon qilingandi.