Xitoy 2028 yilda kosmik turizmni yo‘lga qo‘ymoqchi

Xitoyning InterstellOr xususiy kompaniyasi 2028 yilda sayyohlarni kosmos chegarasiga olib chiqish rejasini e’lon qildi. Chiptalar narxi asosan 3 million yuan (taxminan 430 ming AQSH dollari) etib belgilangan. Bu haqda “The News Times” xabar berdi.

Nashrning yozishicha, allaqachon 20 kishi mazkur sayohat uchun ro‘yxatdan o‘tgan. Kompaniyaning CYZI qisqa kosmik kemasi yetti nafar yo‘lovchini Karman chizig‘igacha olib chiqadi va ularga uch oydan olti oygacha davom etadigan vaznsiz holatni his qilish imkonini beradi.

Bu loyiha Xitoy xususiy sektori kosmik turizmga kirishini anglatadi va AQSH hamda Yevropa kompaniyalari bilan raqobatni kuchaytiradi. Loyiha haqidagi e’lon Xitoy ijtimoiy tarmoqlarida katta muhokama bo‘lmoqda. 

Baidu’dagi eng ko‘p qidirilgan mavzular ichida ro‘yxatning yuqori o‘rniga aynan shu mavzu chiqqan. Ko‘plab foydalanuvchilar Xitoyning tijoriy kosmik turizmga kirishini olqishlagan, biroq xavfsizlik standartlari va kompaniyaning juda katta maqsadi uchun muddat borasida shubha bildirilgan.

Xalqaro astronavtika federatsiyasi kosmik transport qo‘mitasi raisi Yan Yuguang CGTN’ga bergan intervyusida qisqa kosmik parvozlar texnik jihatdan orbital parvozlarga qaraganda ancha oson ekanini bildirgan. Uning so‘zlariga ko‘ra, suborbital missiyalar uchun taxminan 1 km/sek tezlik kifoya qiladi, orbital parvoz esa barqaror orbitani saqlash uchun 7,8 km/sek tezlikni talab qiladi.

Biroq, muddat va xavfsizlik standartlari bo‘yicha shubhalar kompaniya obro‘siga ta’sir qilishi mumkin. Agar testlar muvaffaqiyatsiz bo‘lsa, bu Xitoyning kosmik turizmda yetakchi bo‘lish rejasini sekinlashtiradi.

Hozirgi chiptalar narxi yuqori bo‘lsa-da, mutaxassislar texnologiya taraqqiyoti va ishlab chiqarish miqyosi kengayishi tufayli narxlar 20 yil ichida hozirgi darajadan o‘n barobar arzonlashishi mumkinligini taxmin qilmoqda. Shuningdek, CYZI kemasining taqdimoti sanoatga sezilarli ta’sir ko‘rsatdi.

Eslatib o‘tamiz, Xitoy Aerokosmik fan va texnika korporatsiyasi (CASC) 2026 yildagi ilk sun’iy yo‘ldoshini fazoga uchirgani haqida xabar berilgandi.

Sunnatova Farangiz