Xitoy ertaga kosmik kemasini uchiradi 

Xitoy ertaga, 25 noyabr kuni Shenchjou-22 kosmik kemasini uchirishni rejalashtirmoqda. Bu haqda Xitoy davlat teleradiokompaniyasi xabar berdi.

Qayd etilishicha, bu kema Xitoyning “Tyangong” kosmik stansiyasiga yuboriladi. Missiya asosan xavfsizlik bilan bog‘liq, ya’ni kema stansiyada ishlayotgan astronavtlar uchun zaxira qaytish kemasi sifatida xizmat qiladi.

Bunga sabab sifatida avvalgi Shenchjou-20 kemasining qaytish moduli shikastlangani aytilgan. Shu bois, Shenchjou-21 ekipaji rejalashtirilgan muddatdan oldin Yerga qaytishga majbur bo‘lgan. Endi Shenchjou-22 ularning o‘rnini bosib, stansiyada xavfsizlikni ta’minlaydi.

Missiya ekipajsiz tarzda amalga oshirilishi kutilmoqda. Kema oziq-ovqat va zaruriy yetkazib berish yuklarini olib boradi hamda kerak bo‘lsa, Tiangong stansiyasidagi astronavtlar uchun “qutqaruv kemasi” bo‘lib xizmat qiladi.

Shenchjou-22 Long March 2F raketasi yordamida Jiuquan kosmodromidan uchiriladi. Missiya davomiyligi taxminan 5-6 oy bo‘lishi rejalashtirilgan.

Xitoy bu uchirish orqali o‘zining boshqariladigan kosmik parvoz dasturini yana barqaror holatga qaytarishni maqsad qilgan.

Komila Qobilova