Marokashda eski binolar qulashi oqibatida 19 kishi halok bo‘ldi

Bugun, 10 dekabr kuni tongda Marokashning eng qadimiy shaharlaridan biri Fes shahrida ikki binoning qulashi oqibatida kamida 19 kishi halok bo‘ldi va 16 kishi yaralandi. Bu haqda “Associated Press“ xabar berdi.

Ma’lumotlarga ko‘ra, shaharning Al-Mustaqbal mahallasida joylashgan ushbu binolarda yoriqlar paydo bo‘lganiga ancha vaqt bo‘lgan. Biroq shunga qaramay bu yerdagi aholi yashashni davom ettirgan. 

10 dekabr tongida ikkita qo‘shni to‘rt qavatli bino bir kechada qulab tushdi. Binolarda sakkizta oila istiqomat qilgan. Halokatdan jarohatlanganlar yaqin atrofdagi shifoxonaga yetkazilgan. 

Shundan so‘ng mahalliy qutqaruvchilar tomonidan ushbu hududdagi eski binolarda yashovchi aholi evakuatsiya qilingan. Shuningdek, vayronalar orasida qidiruv-qutqaruv ishlari davom etmoqda hozirga qadar qancha odam bedarak yo‘qolgani noma’lum.

Ma’lumot o‘rnida, Fes shahri Marokashning uchinchi yirik shahri va shu oyda bo‘lib o‘tadigan Afrika Millatlar Kubogi va 2030 yilgi futbol bo‘yicha Jahon chempionati mezbonlaridan biri. U o‘zining devor bilan o‘ralgan shahri bilan mashhur bo‘lib,  asr bozorlari va ko‘nchilik korxonalari bilan to‘la. Ammo turizmdan tashqari, bu mamlakatning eng qashshoq shahar markazlaridan biri bo‘lib, ko‘plab mahallalarda eskirgan infratuzilma keng tarqalgan.

Marokashdagi Le360 nashriga ko‘ra, may oyida evakuatsiya qilinishi kerak bo‘lgan binoda yana bir qulash oqibatida 10 kishi halok bo‘lgan va yetti kishi jarohatlangan.

Marokashda qadimiy ko‘p xonadonli uylar keng tarqalgan. Bu yerlik aholi qurilish qoidalari ko‘pincha rioya etmay, bu uylarda yashashni davom ettirishadi.

Eslatib o‘tamiz, oldinroq Yaponiyada 170 dan ortiq bino yonib ketgani haqida xabar berilgandi. Yong‘in qisqa vaqt ichida ro‘y berib, 170 dan ortiq binoni qurshab olgan. Kuchli alangadan qo‘rqqan mahalliy aholi o‘z uylarini tark etishga majbur bo‘lgan.