Moskvada migrantlarning ishini qonuniylashtirayotgan sxema fosh etildi

north_east

“Kel, ishla va ket”. Rossiyada migrantlar uchun yangi tizimga o‘tiladi  

Rossiya Milliy gvardiyasi maxsus kuchlari Federal xavfsizlik xizmati va politsiya bilan birgalikda Moskvadagi noqonuniy migratsiya kanalini to‘xtatdi. Bu haqda gvardiya matbuot xizmati xabar berdi.

Tergov ma’lumotlariga ko‘ra, ular 3000 dan ortiq chet ellik fuqaroning Rossiyada bo‘lishini qonuniylashtirish uchun soxta hujjatlardan foydalangan. Noqonuniy sxema migrantlarni yashirin kompaniyalarda soxta ishga joylashtirishni o‘z ichiga olgan.

Ko‘zdan kechirish chog‘ida qalbaki mehnat shartnomalari, soxta tashkilotlarning muhrlari va boshqa daliliy ashyolar olingan. Noqonuniy faoliyatga aloqadorlikda gumonlanib, ishga yollash agentligi va Moskva qurilish kompaniyasi xodimlari qo‘lga olindi.

16 oktyabr kuni mamlakat Ichki ishlar vazirligi matbuot kotibi Irina Volk ham xuddi shunday holat haqida xabar bergan edi. Uning so‘zlariga ko‘ra, huquq-tartibot idoralari xodimlari migrantlarni shirkat orqali ro‘yxatga olishda gumon qilib, Moskva qurilish kompaniyasi xodimlarini hibsga olgan. Unga ko‘ra, huquqbuzarlar shu tariqa migrantlarning qolish muddatini uzaytirib, ularga ro‘yxatdan o‘tish uchun asos yaratgan.

Shuningdek, ushbu sxema gumonlanuvchilarga soliq va sug‘urta mukofotlarini to‘lashdan bo‘yin tovlash imkonini bergan. Natijada tergovchilar noqonuniy migratsiyani tashkil qilish bo‘yicha ish qo‘zg‘atdi. Bu Rossiya Jinoyat kodeksining 322.1-moddasi (noqonuniy migratsiyani tashkil etish) bo‘yicha o‘n yilgacha ozodlikdan mahrum qilish jazosini nazarda tutadi.

Eslatib o‘tamiz, 2026 yil 1 martdan boshlab Rossiyaga borgan migrantlar o‘tkir gepatit va virusli gepatit B, C  va D uchun tekshiruvdan o‘tkaziladi.