To‘qayev oilani faqat erkak va ayol o‘rtasidagi ittifoq sifatida qonuniylashtirmoqchi

Qozog‘iston Prezidenti Qosim-Jomart To‘qayev an’anaviy qadriyatlarni asrash zarurligini aytib, mamlakatda nikohni erkak va ayol ittifoqi sifatida qonun darajasida qayd etish, ammo axloq masalasida davlat bilan kelishmovchilikka yo‘l qo‘yadigan pozitsiya uchun kamsitish va ta’qiblarga yo‘l qo‘ymaslik zarurligini ta’kidladi. Bu haqda u bugun, 20 yanvar kuni Milliy qurultoy yig‘ilishida so‘zlagan nutqida aytib o‘tdi. 

“Davlat an’anaviy qadriyatlarni himoya qilishi, buzg‘unchi, to‘g‘risini aytganda, axloqsiz xulq-atvor modellariga qarshi kurashishi shart. Jamiyatimizda nikoh instituti erkak va ayolning ixtiyoriy ittifoqi sifatida qonun yo‘li bilan mustahkamlanishi lozim. Davlat muassasasida rasman tasdiqlangan nikoh erkak va ayol o‘rtasida. Biroq, axloq masalalari bo‘yicha rasmiy davlat nuqtai nazariga zid bo‘lgan e’tiqodlar uchun jinoiy ta’qib va ma’naviy kamsitishga yo‘l qo‘yilmasligi kerak”, deydi u. 

U davlat pozitsiyasini har bir fuqaro tanlash huquqiga ega degan formulaga keltirish mumkinligini va bu tanlovni hech kim majburlashga haqli emasligini ta’kidlab, mamlakatda barcha fuqarolarning huquq va erkinliklari himoya qilinishiga ishontirdi.

Eslatib o‘tamiz, 2025 yilning 30 dekabr kuni Qozog‘iston Prezidenti Qosim-Jomart To‘qayev “pedofiliya va noan’anaviy jinsiy oriyentatsiyani targ‘ib qilishni” taqiqlovchi qonunni imzoladi.

Hujjat to‘qqizta qonunga o‘zgartirish kiritadi, ulardan uchtasi qonunni taqiqlovchi qoidalarni o‘z ichiga oladi. Ommaviy axborot vositalari va ijtimoiy tarmoqlarda “LGBT targ‘iboti” belgilari bo‘lgan noqonuniy kontentni joylashtirish va tarqatish uchun jarimalar belgilanadi. 

Qonunbuzarliklar eng kam oylik ish haqining 20 baravari (86 500 tenge yoki 146 yevrodan ortiq) miqdorida jarima bilan jazolanadi. Takroriy huquqbuzarlar oshirilgan jarima yoki 10 kungacha ma’muriy qamoqqa olinadi.