O‘zbekiston Gabonni mag‘lubiyatga uchratdi

Bugun, 27 mart kuni futbol bo‘yicha O‘zbekiston milliy terma jamoasi FIFA Series xalqaro o‘rtoqlik turnir doirasida Gabonga qarshi bahs olib bordi. Unda O‘zbekiston terma jamoasi 3:1 hisobida g‘alaba qozondi.

Dastlab uchrashuvning 6-daqiqasida mehmonlar vakili Averlant hisobni ochgan bo‘lsa, 14-daqiqada Eldor Shomurodov hisobni tenglashtirdi.

Ikkinchi bo‘limning 59-daqiqasida Johongir O‘rozov O‘zbekiston terma jamoasini hisobda oldinga olib chiqdi. Uchrashuvga qo‘shib berilgan 90+4-daqiqada Alisher Odilov O‘zbekiston terma jamoasining 3-golini kiritdi. Uchrashuv yakuniga qadar ushbu hisob saqlanib qoldi.

Toshkent mezbonligidagi xalqaro turnir doirasida ikkinchi uchrashuvda Venesuela Trinidad va Tobagoni 4:1 hisobida mag‘lubiyatga uchratdi.

Ma’lumot uchun, Fabio Kannavaro boshchiligidagi O‘zbekiston milliy terma jamoasi joriy yilning 30 mart kuni Venesuela terma jamoalariga qarshi maydonga chiqadi. Ushbu bahs ham “Bunyodkor” stadionida bo‘lib o‘tadi.