O‘zbekistonlik hakamlar Elit OCHL finalini boshqaradi
Sport
−
23 aprel 3156 1 daqiqa
O‘zbekistonlik hakamlar Yaponiyaning “Machida” klubi va amaldagi chempion “Al-Ahli” jamoasi o‘rtasidagi Elit Chempionlar Ligasi finalini boshqaradi. Bu haqida O‘zbekiston futbol hakamlari markazi xabar berdi.
Joriy yilning 25 aprel kuni Elit Chempionlar ligasining final uchrashuvi bo‘lib o‘tadi. Unda amaldagi chempion – Saudiya Arabistonining “Al-Ahli” klubi hamda Yaponiyaning “Machida” jamoalari o‘zaro to‘qnash keladi.
Mazkur bellashuvni o‘zbekistonlik hakamlar jamoasi boshqarib boradi. Xususan, uchrashuvda Ilgiz Tantashev bosh hakam sifatida, Andrey Sapenko yordamchi hakam sifatida ishlaydi. Shuningdek, Firdavs Norsafarov AVAR hakami sifatida faoliyat olib boradi.
Eslatib o‘tamiz, “Al-Ahli” klubi Osiyo Elit Chempionlar ligasining birinchi turida Qarshining “Nasaf” jamoasi bilan o‘z maydonida to‘qnash kelib, 4:2 hisobida g‘alaba qozongan edi.
Oybek Rustamov
Live
BarchasiDehqonobod tumaniga sel keldi
23 aprel