O‘zbekistonning xalqaro zaxiralari rekord darajada oshdi

Joriy yil 1 mart holatiga ko‘ra, O‘zbekistonning jami xalqaro zaxiralari 77,08 milliard dollarga yetdi. Bu haqdagi ma’lumotlarni Markaziy bank e’lon qildi.

Mart oyi boshidagi holatga ko‘ra, jami aktivlar o‘tgan oyga nisbatan 2 milliard dollarga oshgan. Joriy yilning 1 yanvar holatida ushbu ko‘rsatkich 66,3 milliard dollar darajasida edi.

O‘sishning hal qiluvchi omili oltin zaxiralarining qayta baholanishi va jamlanishi bo‘ldi. Zaxiralardagi qimmatbaho metall qiymati 67,6 milliard dollarga yetdi, bu fevral oyidagi ko‘rsatkichdan 2,7 milliard dollarga ko‘pdir. Oltinning fizik hajmi ham ijobiy dinamika ko‘rsatib, 12,8 milliondan 13,1 million troya unsiyasigacha oshdi.

Oltin zaxirasi o‘sishi fonida mamlakatning valyuta aktivlari pasayishni ko‘rsatdi. Chet el valyutasidagi zaxiralar fevraldagi 9,5 milliard dollardan 8,8 milliard dollargacha kamaydi. Ushbu mablag‘larning asosiy qismi xorijiy moliya institutlaridagi depozitlarga (6 milliard dollar), shuningdek, xorijiy qimmatli qog‘ozlarga (1,5 milliard dollar) joylashtirilgan.

Eslatib o‘tamiz, avvalroq AQSH va Isroilning Eronga bergan zarbalaridan so‘ng birjada oltin narxi keskin oshgani haqida xabar berilgan edi.