O‘zgidromet tezkor ogohlantirish bilan chiqdi

O‘zbekistonning 6 ta viloyatida qor ko‘chish xavfi mavjud. Bu haqda O‘zgidromet ogohlantirish bilan chiqdi.

Gidrometeorologiya xizmati agentligi tomonidan berilgan ma’lumotga ko‘ra, joriy yilning 2-6 mart kunlari kutilayotgan yog‘ingarchilik hamda havo haroratining o‘zgarishlari sababli respublikaning tog‘li hududlarida, shu jumladan:

• Qashqadaryo viloyati: Dehqonobod, Kitob, Qamashi, Shaxrisabz tumanlarida;
• Surxondaryo viloyati: Boysun, Qumqo‘rg‘on, Sariosiyo, Uzun tumanlarida;
• Samarqand viloyati: Nurobod, Qo‘shrabot, Samarqand, Urgut tumanlarida;
• Jizzax viloyati: Baxmal, Zomin tumanlarida;
• Toshkent viloyati: Bo‘stonliq, Parkent, Ohangaron, tumanlari (Chotqol tizmasi tog‘lari);
• Namangan viloyati: Pop tumanida qor ko‘chish xavfi e’lon qilinadi.

Tog‘oldi va tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘raladi.