Ҳусановнинг трансфер нархи кескин кўтарилди

Ўзбекистон миллий терма жамоаси ва “Манчестер Сити” клуби ҳимоячиси Абдуқодир Ҳусановнинг трансфер нархи 15 млн еврога кўтарилди. Бу ҳақда “Transfermarkt” портали хабар берди. 

Бугун, 3 май куни “Transfermarkt” портали Англия Премьер-лигасининг футболчиларининг бозор қийматини янгилади. Унга кўра, Ҳусановнинг нархи 35 миллион евродан 50 миллион еврога кўтарилган.

Портал маълумотларига кўра, Англия Премьер-лигасида тўп сураётган 524 нафар футболчининг бозор қийматини янгиланган. Янгиланишдан сўнг лиганинг умумий трансфер қиймати 209 миллион еврога камайган бўлса-да, 12,37 миллиард евро билан дунёдаги энг қиммат чемпионат мақомини сақлаб қолган.

Энг катта ўсиш “Манчестер Сити” ярим ҳимоячиси Раян Шерки ҳисобига тўғри келди. Франциялик футболчининг бозор қиймати 25 миллион еврога ошиб, 90 миллион еврога етди.

Шунингдек, “Манчестер Сити” футболчиси Нико О’Райлининг бозор қиймати 20 миллион еврога ошиб, 70 миллион еврога етди. Бозор қиймати энг кўп кўтарилган футболчилар рейтингида Абдуқодир Ҳусанов 8-поғонани банд этган.

Маълумот учун, 22 ёшли марказий ҳимоячи жорий мавсум “шаҳарликлар” сафида барча мусобақаларда жами 36 та учрашувда майдонга тушиб, 30 та баҳсни асосий таркибда бошлади. “Манчестер Сити” билан мавсум якунида Англия Кубоги ва Лига Кубогини қўлга киритди.