Болаларга игнали қанд тарқатган эркак ушланди (видео)

Қирғизистоннинг Бишкек шаҳри Ленин туманида болаларга қанднинг ичига игна бўлаклари қўйиб, тарқатган эркак қўлга олинди. Бу ҳақда тумани Ички ишлар бўлими матбуот хизмати хабар қилди.

Қайд этилишича, жорий йилнинг 28 март куни тахминан соат 20:00 да милицияга Оқ ўрда тураржой массивида бир эркак болаларга ичида игна бўлаклари топилган қанд тарқатгани ҳақида хабар тушган.

Мазкур массивда яшовчи Б.Г. исмли аёлнинг 11 ёшли қизи ва бошқа болалар ҳам номаълум шахсдан шундай конфетлар олганини маълум қилган.

Мазкур ҳолат юзасидан Тергов хизмати томонидан жиноят иши қўзғатилган ва тегишли экспертизалар тайинланган. Милиция ходимлари ҳолат юзасидан гумонланувчи Н.Д.ни қўлга олган. Ҳозирда у вақтинча сақлаш ҳибсхонасига жойлаштирилган.

Унинг яшаш жойида ўтказилган тинтув давомида конфетлар ва бошқа моддий далиллар мусодара қилинган. Тергов ишлари эса давом этмоқда. Ленин тумани суди гумонланувчини икки ой муддатга тергов ҳибсхонасига жойлаштирган.

Эслатиб ўтамиз, аввалроқ Россияда ёш қизчани зўрламоқчи бўлган марказий осиёлик 14 йилга қамалганди.