Diqqat! Bugun poytaxtda chang-to‘zon ko‘tariladi
Bu qiziq
−
16 iyun 1622 1 daqiqa
Bugun, 16 iyun kuni O‘zbekistonning ayrim hududlarida, jumladan Toshkent shahrida kuchli shamol va ayrim joylarda chang-to‘zonlar kuzatilishi mumkin. Bu haqda Toshkent shahar hokimligi xabar berdi.
Shu munosabat bilan poytaxt aholisi va mehmonlaridan ehtiyot choralariga amal qilish so‘raldi.
Jumladan:
- zarurat bo‘lmasa, kuchli shamol vaqtida ochiq hududlarda qolmaslik;
- daraxtlar, reklama konstruksiyalari, elektr simlari va yengil qurilmalar yaqinida turmaslik;
- avtomobillarni daraxtlar va mustahkamlanmagan boshqa konstruksiyalar ostida qoldirmaslik;
- chang-to‘zon vaqtida imkoni boricha derazalarni yopiq saqlash tavsiya etiladi.
Eslatib o‘tamiz, avvalroq joriy yilning 16–19 iyun kunlari kutilayotgan yomg‘irlar yog‘ishi sababli, respublikaning tog‘oldi va tog‘li hududlarida sel-suv toshqini yuzaga kelishi mumkinligi haqida xabar berilgan edi.
