Diqqat! Bugun poytaxtda kuchli shamol esib, chang-to‘zon ko‘tariladi

Bugun, 15 iyun kuni O‘zbekistonning ayrim hududlari, jumladan, Toshkent shahrida kuchli shamol hamda ayrim hududlarda chang-to‘zon kuzatilishi mumkin. Shu sababli poytaxt Ichki ishlar bosh boshqarmasi ogohlantirish bilan chiqdi.

Shu munosabat bilan Toshkent shahri aholisi va mehmonlaridan ehtiyot choralariga amal qilish so‘raladi.

Jumladan:

• zarurat bo‘lmasa, kuchli shamol vaqtida ochiq hududlarda qolmaslik;
• daraxtlar, reklama konstruksiyalari, elektr simlari va yengil qurilmalar yaqinida turmaslik;
• avtomobillarni daraxtlar va mustahkamlanmagan boshqa konstruksiyalar ostida qoldirmaslik;
• chang-to‘zon vaqtida imkon qadar derazalarni yopiq saqlash tavsiya etiladi.

Eslatib o‘tamiz, avvalroq joriy yilning 16–19 iyun kunlari kutilayotgan yomg‘irlar yog‘ishi sababli, respublikaning tog‘oldi va tog‘li hududlarida sel-suv toshqini yuzaga kelishi mumkinligi haqida xabar berilgan edi.