Кам таъминланган оилаларга 81 млрд сўмдан ортиқ ҚҚС қайтарилди
Жамият
−
01 Ноябрь 2047 1 дақиқа
Ўзбекистонда жорий йилнинг 9 ойида кам таъминланган оилаларга 81,8 млрд сўмга яқин ижтимоий кешбэк тўланди. Бу ҳақда Давлат солиқ хизмати хабар берди.
Қайд этилишича, 2023 йил 1 майдан “Ижтимоий ҳимоя ягона реестри”га киритилган жисмоний шахслар чакана савдо объектларидан айрим маҳсулотларни сотиб олганда харид суммасидан 1 фоиз миқдордаги кешбэк ўрнига 12 фоиз ҚҚС (ижтимоий кешбэк) суммасини қайтариб олади.
2025 йилнинг январь-сентябрь ойларида 275 539 нафар истеъмолчига 81,8 млрд сўмга яқин ижтимоий кешбэк тўлаб берилган.
ТОП-3 ҳудудлар:
- Самарқанд вилояти – 22,9 млрд сўм;
- Тошкент шаҳри – 16,2 млрд сўм;
- Тошкент вилояти – 7 млрд сўм.
Эслатиб ўтамиз, аввалроқ ўтган 2024 йилда истеъмолчиларга 1 триллион сўмдан ортиқ кешбэк қайтарилгани ҳақида хабар берилганди.
Live
Барчаси
