Kam ta’minlangan oilalarga 81 mlrd so‘mdan ortiq QQS qaytarildi
Jamiyat
−
01 noyabr 2054 1 daqiqa
O‘zbekistonda joriy yilning 9 oyida kam ta’minlangan oilalarga 81,8 mlrd so‘mga yaqin ijtimoiy keshbek to‘landi. Bu haqda Davlat soliq xizmati xabar berdi.
Qayd etilishicha, 2023 yil 1 maydan “Ijtimoiy himoya yagona reyestri”ga kiritilgan jismoniy shaxslar chakana savdo ob’ektlaridan ayrim mahsulotlarni sotib olganda xarid summasidan 1 foiz miqdordagi keshbek o‘rniga 12 foiz QQS (ijtimoiy keshbek) summasini qaytarib oladi.
2025 yilning yanvar-sentyabr oylarida 275 539 nafar iste’molchiga 81,8 mlrd so‘mga yaqin ijtimoiy keshbek to‘lab berilgan.
TOP-3 hududlar:
- Samarqand viloyati – 22,9 mlrd so‘m;
- Toshkent shahri – 16,2 mlrd so‘m;
- Toshkent viloyati – 7 mlrd so‘m.
Eslatib o‘tamiz, avvalroq o‘tgan 2024 yilda iste’molchilarga 1 trillion so‘mdan ortiq keshbek qaytarilgani haqida xabar berilgandi.
