Трамп Эрондаги намойишчиларни ҳукумат биноларини эгаллаб олишга чақирди

АҚШ Президенти Дональд Трамп Эрондаги намойишчиларни мамлакатдаги ҳукумат биноларини эгаллаб олишга чақирди. Бу ҳақда у ўзининг TruthSocial ижтимоий тармоғидаги саҳифасида ёзди.

"Эронлик ватанпарварлар, норозилик билдиришда давом этинглар – ҳукумат биноларингизни эгаллаб олинглар!!! Қотиллар ва зўрловларнинг исмларини ёзиб қўйинглар. Улар бунинг учун катта бадал тўлайдилар. Мен намойишчиларнинг бемаъни ўлдирилиши тўхтамагунча Эрон расмийлари билан барча учрашувларни бекор қилдим. Ёрдам йўлда”, деди Оқ уй раҳбари.

Дональд Трамп ўз хабарини MIGA қисқартмаси билан якунлаган. Бу “Эронни яна буюк қиламиз” деган маънони англатади.

Эрондаги низолар фонида Қўшма Штатлар ўз фуқароларини Эронни зудлик билан тарк этишга чақирди. Мамлакатдаги Америка фуқаролари интернетда кейинги узилишларга дуч келиши кутилмоқда. Бугун, 13 январь куни АҚШнинг Теҳрондаги виртуал элчихонаси веб-сайтида жойлаштирилган хабарга кўра, муқобил алоқа воситаларини олдиндан кўриб чиқишлари керак.  

Шунингдек, америкаликларга Эронни Арманистон ёки Туркия орқали қуруқлик орқали тарк этишни кўриб чиқиш тавсия қилинган.

Эслатиб ўтамиз, аввалроқ Трамп Эрон билан ҳамкорлик қилаётганларга 25 фоизлик бож жорий қилиши ҳақида хабар берилганди.