Tramp Erondagi namoyishchilarni hukumat binolarini egallab olishga chaqirdi

AQSH Prezidenti Donald Tramp Erondagi namoyishchilarni mamlakatdagi hukumat binolarini egallab olishga chaqirdi. Bu haqda u o‘zining TruthSocial ijtimoiy tarmog‘idagi sahifasida yozdi.

"Eronlik vatanparvarlar, norozilik bildirishda davom etinglar – hukumat binolaringizni egallab olinglar!!! Qotillar va zo‘rlovlarning ismlarini yozib qo‘yinglar. Ular buning uchun katta badal to‘laydilar. Men namoyishchilarning bema’ni o‘ldirilishi to‘xtamaguncha Eron rasmiylari bilan barcha uchrashuvlarni bekor qildim. Yordam yo‘lda”, dedi Oq uy rahbari.

Donald Tramp o‘z xabarini MIGA qisqartmasi bilan yakunlagan. Bu “Eronni yana buyuk qilamiz” degan ma’noni anglatadi.

Erondagi nizolar fonida Qo‘shma Shtatlar o‘z fuqarolarini Eronni zudlik bilan tark etishga chaqirdi. Mamlakatdagi Amerika fuqarolari internetda keyingi uzilishlarga duch kelishi kutilmoqda. Bugun, 13 yanvar kuni AQSHning Tehrondagi virtual elchixonasi veb-saytida joylashtirilgan xabarga ko‘ra, muqobil aloqa vositalarini oldindan ko‘rib chiqishlari kerak.  

Shuningdek, amerikaliklarga Eronni Armaniston yoki Turkiya orqali quruqlik orqali tark etishni ko‘rib chiqish tavsiya qilingan.

Eslatib o‘tamiz, avvalroq Tramp Eron bilan hamkorlik qilayotganlarga 25 foizlik boj joriy qilishi haqida xabar berilgandi.