Трамп Хитойдан қуруқ қўл билан қайтди

АҚШ Президенти Дональд Трамп Пекинни на савдо, на Эрон масаласида жиддий натижаларга эришмасдан тарк этди. Бу ҳақда “Reuters” хабар берди.

Агентлик маълумотига кўра, Трамп Boeing самолётларини сотиш бўйича келишув каби қисқа муддатли бизнес фойдаларига урғу берган. Бироқ бу инвесторларни унча таассурот қолдирмаган. Хитой Халқ Республикаси Раиси Си Цзиньпин эса Вашингтон билан барқарор савдо алоқаларини сақлаб қолишга қаратилган узоқ муддатли стратегия ҳақида гапирган.

Нашрнинг таъкидлашича, Си Цзиньпин АҚШ–Хитой муносабатларини тасвирлаш учун янги атама – “конструктив стратегик барқарорлик” иборасини қўллаган. Бу эса собиқ президент Жо Байден ишлатган ва Пекинга ёқмаган “стратегик рақобат” иборасидан кескин фарқ қилади.

Қайд этиш жоиз, 13 май куни Трамп Хитойга уч кунлик давлат ташрифи билан борган эди. Бу унинг сўнгги тўққиз йилдаги Хитойга илк сафари бўлди. Эртаси куни у Си Цзиньпин билан музокара ўтказиб, давлат банкетида иштирок этган. Кейинчалик Трамп ташрифини “ажойиб” деб атаб, “фантастик савдо келишувлари” тузилганини маълум қилган.

Трампнинг Хитойга бўлган ташрифи омадсиз кечиши билан бир қаторда, у Си Цзиньпинни “ўз мамлакатида енгиш” учун АҚШга таклиф қилган. Таклиф эса қабул қилинган.