Алла Пугачёва қамалиши мумкин

Россиялик таниқли хонанда Алла Пугачёва журналист Катерина Гордеевага берган интервьюсида айтган сўзлари учун камида 5 йилга қамалиши мумкин. Бу ҳақда “Смотрим” хабар берди.

Маълумотларга кўра, Пугачёва россиялик журналист Катерина Гордеевaга берган интервьюсида (мазкур интервью жорий йилнинг 10 сентябрида чиққан ва миллионлаб марта кўрилган) чечен бўлгинчиларининг ўлдирилган раҳбари, 1991 йилдан 1996 йилгача Чеченистон президенти бўлган Жоҳар Дудаев ҳақида мақтовли сўзлар гапириб, уни “одобли, ақлли ва келишган одам” эканини айтган.

Билдирилишича, суд хонанданинг бу гапларини терроризмни оқлаш деб топса, қўшиқчи Россия Жиноят кодексининг 205.2- моддасига асосан 5 йилгача қамалиши ва  100 000 дан 500 000 рублгача жаримага тортилиши мумкин.

Шунингдек, Пугачёванинг Дудаев ҳақида айтган сўзларига нисбатан Россия Ташқи ишлар вазирлиги расмий вакили Мария Захарова  ҳам муносабат билдириб,

“Кимдир чиройли қўшиқ айтса ёки ажойиб рақсга тушса, улар биз билан бир хил фикрда бўлишини англатмайди”, дея таъкидлаган.

Эслатиб ўтамиз, аввалроқ Чеченистон раҳбари Рамзан Қодиров Алла Пугачёвани Украинадаги уруш ва Россия расмийларини танқид қилгани учун “халқ душмани ва сотқин” деб атаган эди.

Бунёд Келдибоев