Бугун Ўзбекистон кубогининг финал ўйини бўлиб ўтади

Спорт

−

29 Октябрь visibility7669 timer1 дақиқа

Бугун, 29 октябрь куни Ўзбекистон кубоги доирасидаги финал баҳси бўлиб ўтади. Андижондаги “Бобур Арена”да ўтказилувчи ўйинда “Пахтакор” ва “Бухоро” жамоалари кубок учун курашади.

Маълумот учун, “шерлар“ ярим финалда “Динамо”ни пенальтилар сериясида (4:2) мағлуб этиб, финалга йўл олган. “Бухоро” эса “Сўғдиёна”дан устун келиб (3:2), кубок учун ўтказиладиган турнирнинг якуний босқичидаги иштирокини кафолатлаган эди.

Финал беллашуви соат 18:30 да старт олади. Ўйин ғолиби Ўзбекистон кубогининг 2025 йилги мавсум чемпионига айланади.

Эслатиб ўтамиз, 2024 йил Ўзбекистон кубогининг финал баҳсида водийнинг 2 клуби – “Навбаҳор” ва “Андижон” жамоалари куч синашганди. Якунда андижонликлар 2:3 ҳисобида ғалаба қозониб, тарихда илк бор ушбу кубокка эга чиққан.

Жаҳонгир Иномжонов

Мақола муаллифи