Гвардиола Доннаруммани нишонга олди

Италиялик дарвозабон Жанлуижи Доннарумма “Пари Сен-Жермен” (ПСЖ)ни тарк этади. У аллақачон Англиянинг “Манчестер Сити” клуби билан келишувга эришган. Бу ҳақда франциянинг “Lequipe” нашри хабар берди.

Кеча, 12 август куни ПСЖ бош мураббийи Луис Энрике италиялик дарвозабон билан муносабатларни тугатишини эълон қилди. Бундан “Манчестер Сити” жамоаси фойдаланиб, Доннаруммани ўз сафига қўшиб олиш ниятида. 

Италия терма жамоаси посбонинг парижликлар билан шартномаси 2026 йилнинг 30 июнига қадар этиб белгиланган. Шунга қарамай Доннарума ўз ижтимоий тармоқлари орқали Париж клуби мухлислари билан хайрлашга улгурди.

“Манчестер Сити” эса ўз дарвозабони Эдерсон Мораес ва “Галатасарой” ўртасидаги музокаралар якунланишини кутиб турибди, агар томонлар ўзаро келишувга эришса, “шаҳарликлар” унча катта бўлмаган сумма таклифи билан Доннарума трансферини амалга оширади. 

Маълумот учун, эртага, 14 августга ўтар кечаси “Пари Сен-Жермен” УЕФА Суперкубоги учун “Тоттенхэм” жамоасига қарши майдонга тушади.