Исроил Ғазо секторида жангларни қайта бошлаши мумкин – ОАВ

Исроил ХАМАСдан ғазабланган ҳолда Ғазо секторида янги ерусти операцияси режасини ишлаб чиққан. Бу ҳақда “The Wall Street Journal” хабар беради.

Нашрга кўра, ХАМАС АҚШ Президенти Дональд Трампнинг тинчлик режаси бўйича эришилган келишувга зид равишда қуролсизланишдан бош тортгани сабабли, Исроил армияси Ғазо секторида янги ерусти операцияси режасини ишлаб чиққан. 

“ХАМАС маблағлар эвазига тинчлик пайтида ўзи тиклаб олмоқда. Хусусан, Ғазо секторидаги уруш пайтида йўқотган ҳарбий имкониятларини ва лагерларни қайта таъмирламоқда”, дейилади хабарда. 

Шу билан бирга, ҲАМАС Ғазо секторидан ташқарида янги қўмондони сайланганидан кейин қуролсизланиш бўйича позициясини ўзгартириши мумкин. Номзодлар орасида қуролсизланишга қарши бўлган Ҳалил ал-Ҳайя ва ўзининг мўътадилроқ позицияси билан танилган Ҳолид Мешал бор. Бу эса Исроилнинг ғазабини қўзғатган. Исроил ХАМАС жангчилари сонини тахминан 20 000 киши деб ҳисобламоқда. Исроил ва АҚШ Ғазони қайта тиклаш фақат ХАМАС қуролсизлантирилгандан кейингина бошланишини билдирмоқда.

Эслатиб ўтамиз, аввалроқ Исроил кўчманчилари фаластинлик қарияни калтаклагани ҳақида хабар берилганди.