Қатар мезбонларга йирик ҳисобда мағлуб бўлди

Бугун, 19 июнь куни 2026 йилги Жаҳон чемпионатининг “Б” гуруҳидан ўрин олган Канада ва Қатар терма жамоалари ўртасидаги учрашув якунланди. Канаданинг Ванкувер шаҳридаги “Би-Си Плэйс” стадионида бўлиб ўтган баҳсда мезбонлар йирик — 6:0 ҳисобида ғалаба қозонди.

Канада терма жамоаси сафида Кайл Ларин бир марта, Жонатан Дэвид эса уч марта рақиб дарвозасини ишғол қилди. Шунингдек, Натан-Дилан Салиба ҳам ўз номини таблога ёздириб қўйди. Яна бир гол Қатар ярим ҳимоячиси Муҳаммад Ал-Маннаий томонидан ўз дарвозасига киритилди.

Қатар учун учрашув янада мураккаб кечди. Жамоа ўйиннинг 33-дақиқасида Ҳомам Ал-Амин, 53-дақиқасида эса Асим Мадибо қизил карточка олгач, баҳсни тўққиз нафар футболчи билан якунлади.

Ушбу натижадан сўнг Канада терма жамоаси  ўз гуруҳ 4 очко тўплаган ҳолда етакчига айланди. Қатар эса икки турдан кейин ҳам ғалабага эриша олмади ва 1 очко билан гуруҳда сўнги поғонани эгаллаб турибди.

Эндиликда Канада терма жамоаси сўнги турда Швейсария билан баҳс олиб борса, Қатар эса Босния ва Герцеговинага қарши майдонга тушади.