Қозоғистон нефтининг бир қисмини Хитойга йўналтиради

Қозоғистон декабрь ойида биринчи марта Атасу-Алашанькоу қувури орқали Хитойга тахминан 50 минг тонна Кашаган нефтини жўнатмоқчи. Бу ҳақда “Energy monitor” жамғармаси ижрочи директори Нурлан Жумагулов хабар берди.

Маълум қилинишича, Қозоғистон Каспий қувурлари консорциуми (CPC) инфратузилмасига учувчисиз учувчи аппаратлар томонидан уюштирилган ҳужумлар ортидан Қашаган конидан олинадиган нефть экспортининг бир қисмини Хитойга йўналтиришга қарор қилинган.

“Вазирлик ҳозирда юк жўнатувчилар билан нефть ҳажмларини қайта тақсимлаш устида ишламоқда. Бунга Қашаган нефтининг маълум қисмини Хитойга йўналтириш бўйича чоралар ҳам киради”, дейилади хабарда. 

Нефть Хитойнинг CNPC компанияси (30 минг тоннадан ортиқ) ҳамда Япониянинг “Inpex” компаниясига (тахминан 20 минг тонна) етказилади.Қозоғистон CPC’нинг Қора денгиздаги

Умуман олганда, декабрь ойида Атасу-Алашанькоу қувури орқали экспорт жорий йилдаги ўртача ойлик 85–86 минг тоннага нисбатан қарийб 70 минг тоннага ошиши мумкин.

Қозоғистон CPC’нинг Қора денгиздаги терминалида учувчисиз самолёт томонидан SPU-2 бир нуқтали боғловчи қурилмасига етказилган зарардан сўнг юк ташиш ҳажмининг камайиши сабабли экспорт учун муқобил йўлларни қидирмоқда.

2025 йилда Атасу-Алашанкоу қувури орқали нефть етказиб бериш ҳажми 1 миллион тонна бўлиши режалаштирилган. Таққослаш учун, 2024 йилда бу кўрсаткич 1,2 миллион тоннани ташкил этган. Жорий йилнинг 10 ойи давомида эса мазкур йўналиш орқали 858 минг тонна нефть экспорт қилинган.

Йилига 20 миллион тонна қувватга эга Атасу-Алашанькоу магистраль нефть қувури Қозоғистон-Хитой қувурлар тизимининг бир қисми бўлиб, “Kaztransoil” (50 фоиз) ҳамда “China National Oil and Gas Exploration and Development Company Ltd” (50 фоиз)га тегишли “Қозоғистон–Хитой қувур линияси” (KCP) қўшма корхонаси томонидан бошқарилади.

Бундан ташқари, Россиянинг “Роснефть” компанияси “Прииртышск-Атасу-Алашанькоу” йўналиши бўйлаб йилига 10 миллион тоннага яқин нефтни Қозоғистон орқали Хитойга етказиб беради.

Қозоғистон транзит нефтнинг бир қисмини Павлодар нефть-кимё заводига йўналтириб, ўрнига Хитойга шунча ҳажмда хом ашё экспорт қилади.

Маълумотларга кўра, Атасу-Алашанькоу йўналишидаги нефть ДАП Алашанькоу шарти асосида Шимолий денгиз Брент нефтига нисбатан бир баррель учун 5,33 долларлик чегирма билан сотилади.

Қозоғистон аввал ҳам Россия денгиз портлари орқали Хитойга нефть экспорт қилган. Миллий статистика бюроси маълумотларига кўра, жорий йилнинг 9 ойи давомида бундай жўнатмалар 2,87 миллион тоннани ташкил этган. 2024 йилда эса бу кўрсаткич 2,64 миллион тоннага тенг бўлган.