Камситилган мигрант энди қаҳрамон. Хайрулло Россиядан қайтди

Қашқадарёлик Хайрулло Ибодуллаев Россиянинг Санкт-Петербург шаҳрида оддий кўча супурувчи бўлиб ишлаган, у 22 февраль куни кўп қаватли уйдан қулаган болани қутқариб қолгани ортидан эътиборга тушди. Маълумотларга кўра, бола еттинчи қаватдаги очиқ дераза ёнида планшет ўйнаб турган. У сирпаниб кетган, лекин аввал карнизга осилиб қолган. Пастда Хайрулло Ибодуллаев  болани қулаши мумкинлигини кўриб, унга деразадан узоқлашишни бақириб айтган. Бола қўлини қўйиб юборганда эса, эркак уни қўли билан ушлаб қолган.

Россияда мигрантларга муносабат оғир, турли босимлар, камситишлар ҳақида кўп гапирилади. Ана шундай пайтда оддий бир кўча супурувчи бутун бир миллат номини баланд кўтарди. Бугун мигрант деган сўз ортида оддий меҳнаткаш эмас, балки юраги катта инсонлар борлигини Хайрулло Ибодуллаев амалда кўрсатди.

У ушбу қаҳрамонлиги учун Россияда тўртинчи Тигран Кеосаян номидаги мукофот қолаверса, Ўзбекистон Президенти фармонига мувофиқ ўзбек халқига хос жасорат, қаҳрамонлик ва фидойилик фазилатларини намоён этгани учун  “Жасорат” медали билан тақдирланган. Қаҳрамонимиз бу борадаги ўз ҳислари билан ўртоқлашди.

Ушбу репортажни тўлиқ шаклда юқоридаги видеоплеерда ёки QALAMPIR.UZ’нинг YouTube-каналида томоша қилишингиз мумкин.