Ла Лиганинг XXI асрдаги энг яхши футболчилар рейтинги тузилди

Испания Ла Лигасининг 2000 йил бошидан буён ўз маҳоратини намойиш этган энг ёрқин футболчилар рейтинги эълон қилинди. Унда XXI асрнинг энг ёрқин 25 нафар футболчининг номи келтирилган. Бу ҳақда “Goal” хабар берди.

Нашрга кўра, Лионель Месси ва Криштиану Роналду ўртасидаги баҳс футбол тарихидаги энг буюк дуэль сифатида баҳоланган. Уларнинг ҳар иккиси нафақат ўз даврининг энг кучли футболчилари, балки Ла Лига тарихида ҳам алоҳида ўрин тутади. Аммо нашрнинг таъкидлашича, сўнгги 25 йил давомида Испания чемпионатида Мессидан ёки Роналдудан кам бўлмаган бошқа юлдузлар ҳам порлаган.

Нашрнинг рейтингига кўра, 1-ўриндан “Барселона” собиқ ҳужумчиси Лионель Месси, 2-поғонадан “Реал Мадрид” собиқ форварди Криштиану Роналду жой олган.

Топ-10 қуйидагича кўринишда: 

1. Лионель Месси; 

2. Криштиану Роналду; 

3. Зинедин Зидан; 

4. Роналдиньо; 

5. Луис Суарес; 

6. Хави; 

7. Андрес Иниеста; 

8. Лука Модрич; 

9. Антуан Гризманн; 

10. Неймар.