Мадагаскарда ҳарбийлар ҳокимиятни қўлга олди

Мадагаскарда Президент Андри Радзуэлинанинг мамлакатдан қочиб кетиши ортидан ҳарбийлар ҳокимиятни эгаллади. Бу ҳақда “Reuters” хабар берди.

“Биз ҳокимиятни ўз қўлимизга олдик”, деган полковник Майкл Рандрианирина намойишчиларга қўшилган аскарлар гуруҳига бошчилик қилган ҳолда.

Улар “Зумерлар авлоди” деган шиорлар ва “One Piece” аниме сериали рамзлари туширилган баннерлар билан кўчага чиққан. Армия вакилининг сўзларига кўра, мамлакатда қуйи парламент палатасидан ташқари барча олий давлат органлари тарқатиб юборилган. Айнан қуйи палата ҳарбийлар бинога киришидан сал аввал қочиб кетган Президент Андри Радзуэлинага импичмент эълон қилган.

Қайд этиш жоиз, Мадагаскарда норозилик намойишлари жорий йил сентябрь охирида бошланган. Уларнинг бошланишига сув ва электр таъминотидаги танқислик сабаб бўлган. Тез орада намойишлар кенгайиб, иштирокчилар Президент истеъфосини ва ҳукуматнинг тўлиқ қайта сайланишини талаб қила бошлаган. Бир неча кун аввал ҳарбийлар ҳам намойишчиларга қўшилди ва шундан кўп ўтмай, Радзуэлина мамлакатдан қочиб кетди.