Нобелни Трампга беришни хоҳлайман – Maчадо (видео)

Венесуэла мухолифати раҳбари Мария Корина Maчадо АҚШ Президенти Дональд Трампга ўз Нобель Тинчлик мукофотини беришга тайёр эканлигини айтди. Бу ҳақда у “Fox News” телеканалига берган интервьюсида маълум қилди. 

Мачадонинг сўзларига кўра, у Венесуэлани минтақанинг энергетика марказига айлантирмоқчи. У шунингдек, интервьюсида бозорларни очиш ва мамлакатни Қўшма Штатларнинг Лотин Америкасидаги асосий иттифоқчисига айлантириш режалари борлигини айтиб ўтган.

Maчадо тез орада Венесуэлага қайтишини ва эркин сайловларда ғалаба қозонишни режалаштираётганини билдирди.

“Биз сохталаштирилган шароитда бўлиб ўтган сайловларда шов-шувли тарзда ғалаба қозондик. Эркин ва адолатли сайловларда биз овозларнинг 90 фоизигача эга чиқиб, ғалаба қозонамиз”, дейди у.

Мухолифат раҳбари ҳозирда Венесуэла муваққат президенти Делси Родригесни қийноқлар ва таъқиблар, коррупция ҳамда наркотрафикнинг асосий ташкилотчиси деб атаб, унинг халқаро инвесторлар учун ишончли шахс эмаслигини таъкидлаган. 

Эслатиб ўтамиз, 2025 йилдаги Тинчлик бўйича Нобель мукофоти Венесуэла сиёсатчиси Мария Корина Мачадога берилган эди.