Олимпиаданинг ўн иккинчи кунидан сўнг медаллар жамғариш рейтинги қандай?

Кеча, 18 февраль куни 2026 йилги қишки Олимпия ўйинлари доирасида Италияда ўтаётган мусобақаларнинг навбатдаги куни якунланди. Унда олтита спорт тури (биатлон, тоғ чанғиси, кросс чанғиси, сноуборд, эркин чанғи ва шорт-трек) бўйича жами тўққизта медаллар жамланмаси учун баҳс олиб борилди. 

Кун якунига кўра, Норвегия делегацияси умумий медаль ҳисоби бўйича ишончли тарзда етакчиликни сақлаб қолди. Улар ҳисобида жами 33 та медаль (15 та олтин, 8 та кумуш ва 10 та бронза) бор.

Мезбон Италия жамоаси 26 та медаль (9 та олтин, 5 та кумуш ва 12 та бронза) билан иккинчи ўринни эгаллаб турибди. Кучли учликни эса АҚШ делегацияси жами 24 та медаль (7 та олтин, 11 та кумуш ва 6 та бронза) билан якунлади. 

Медаллар жамғариш бўйича ТОП-10 талик қуйидагича:

• Норвегия – 15 олтин, 8 кумуш, 10 бронза;
• Италия   – 9 олтин, 5 кумуш, 12 бронза;
• АҚШ – 7 олтин, 11 кумуш, 6 бронза;
• Франция  – 6 олтин, 7 кумуш, 4 бронза;
• Нидерландия  – 6 олтин, 7 кумуш, 2 бронза;
• Швеция   – 6 олтин, 6 кумуш, 3 бронза;
• Германия  – 5 олтин, 8 кумуш, 8 бронза;
•  Австрия – 5 олтин, 8 кумуш, 4 бронза;
•  Япония  – 5 олтин, 6 кумуш, 11 бронза;
• Швейцария – 5 олтин, 4 кумуш 3 бронза.

Маълумот учун, кечаги, 18 февраль куни доирасида ўзбекистонлик шорт-трекчи Даниил Ейбог 500 метр масофага кечган чорак финал баҳсида иштирок этди ва бешинчи бўлиб маррага келди. Ушбу натижа Ейбогга ярим финалга чиқиш учун камлик қилди ва у шу нуқтада иштирокини тугатди.