Равшан Ғуломов ҳам янги лавозимга тайинланди

Равшан Айюбович Ғуломов янги лавозимга тайинланиши муносабати билан Ўзбекистон Республикаси Президентининг иқтисодий сиёсат бўйича маслаҳатчиси лавозимидан озод этилди. Бу ҳақда Президент матбуот котиби Шерзод Асадов маълум қилди.

Қайд этилишича, Ўзбекистон Республикаси Президентининг тегишли фармони билан Равшан Айюбович Ғуломов Ўзбекистон Республикаси Президентининг ҳудудий ривожланиш бўйича маслаҳатчиси лавозимига тайинланган ва шу муносабат билан Ўзбекистон Республикаси Президентининг иқтисодий сиёсат бўйича маслаҳатчиси лавозимидан озод этилган.

Маълумот учун, Равшан Аюбович Ғуломов турли йилларда Марказий банк раиси биринчи ўринбосари (2001-2004), Ўзбекистон Миллий банки раиси биринчи ўринбосари (2004-2006), “Асака” банк раиси (2006-2007), Молия вазири биринчи ўринбосари (2009-2010), Иқтисодиёт вазири (2010-2011), Ташқи иқтисодий алоқалар, савдо ва инвестиция вазири (2011-2012), Ўзбекистон Республикаси Тикланиш ва тараққиёт жамғармаси ижрочи директори (2012-2017) сифатида ишлаган.