Суд ва прокуратура қидирувида бўлган яна икки киши ушланди

north_east

Андижондаги “тозалаш”да қидирувдаги 30 киши ушланди (видео)

Бухоро вилоятида суддан ва терговдан яширинган шахслар қўлга олинди. Бу ҳақда вилоят Ички ишлар бошқармаси хабар берди.

Маълум қилинишича, тезкор-қидирув тадбирлари давомида улардан бири – Ш.Г. исмли шахс Олот тумани ҳудудида яширинган манзилида қўлга олинган ва 4-сонли тергов ҳибсхонасига жойлаштирилган. У Жиноят кодексининг 168-моддаси (фирибгарлик) 3-қисми ва 169-моддаси (ўғрилик) 3-қисмида кўрсатилган жиноятларни содир этиб, суддан яширингани учун Жиноят ишлари бўйича Когон шаҳар суди томонидан қидирув эълон қилинган эди.

Шунингдек, Жиноят кодексининг 277-моддаси (безорилик) 2-қисмида кўрсатилган жиноятни содир этиб, терговдан яширингани учун Пешку туман прокуратураси томонидан қидирув эълон қилинган И.А. исмли шахс Қашқадарё вилоятининг Китоб туманида ушланган. У Шаҳрисабз шаҳридаги вақтинча сақлаш ҳибсхонасига жойлаштирилган.

Эслатиб ўтамиз, аввалроқ бир нечта жиноятларда айбланиб, Ромитан туман ИИБ томонидан қидирувга берилган шахс Тошкент шаҳрида қўлга олинганди.