Тарихда биринчи марта она ва бола бир Олимпиадада иштирок этди

Мексикалик тоғ чанғи спортчиси Сара Шлепер ва унинг ўғли Лассе Гахиола 2026 йилда Италияда ўтаётган қишки Олимпия ўйинларида иштирок этиб, бир Олимпиадада қатнашган биринчи она ва ўғил бўлди. Бу ҳақда KTIV нашри хабар берди.

Жорий йилнинг 12 февраль куни 46 ёшли Шлепер тоғ чанғи мусобақалари супер-Г дастурида иштирок этди ва 26-ўринни эгаллади. Кейинчалик, Шлепер 16 февраль куни бўлиб ўтган слалом дастурида ҳам иштирок этди, бироқ чанғи боғламлари максимал баландлик чегарасидан ошиб кетгани сабабли дисквалификация қилинди.

Унинг ўғли, 18 ёшли Лассе Гахиола эса жорий йилнинг 14 февраль куни гигант слаломда иштирок этди ва 53-ўринни эгаллади. Шу тариқа, спортчилар бир Олимпиадада қатнашган бу она ва ўғил сифатида тарихга кирди.

Маълумот учун, Милан-Кортина–2026 мусобақаларидаги иштирок орқали Шлепер қишки Олимпиада тарихидаги энг кекса тоғ чанғи спортчисига айланди. Мексикалик спортчи фаолияти давомида еттита Олимпиадада қатнашган, бу тоғ чанғи спортчилари учун ҳам рекорд ҳисобланади.