Товушдан тез учадиган самолёт синовдан ўтказилди (видео)

NASA’нинг товушдан тез учадиган реактив Х-59  самолёти синовдан ўтказилди. Бу ҳақда “Reuters” хабар берди.

Маълумотларга кўра, кеча, 28 октябрь куни Lockheed Martin компанияси томонидан NASA учун ишлаб чиқилган Х-59 замонавий самолёти АҚШнинг Лос-Анжелес шаҳридан тахминан 100 км шимолда жойлашган Skunk Works заводининг учиш-қўниш йўлагида синовдан ўтказилган. 

Самолёт учиш-қўниш йўлагидан тик кўтарилганидан сўнг бир соат парвоз қилган ва NASA Air парвоз тадқиқот маркази яқинига хавфсиз қўнган. 

“Самолётнинг ўзига хос шакли одатда самолёт товуш тўсиғини бузганида ҳосил бўладиган портловчига ўхшаш товуш шовқинини сезиларли даражада камайтиришга мўлжалланган бўлиб, овоз баландлигини автомобиль эшигини ёпиб қўйишдан кўра баландроқ бўлмаган товушга ўхшайди”, дейилади хабарда. 

Қайд этилишича, NASA 2018 йилдан бери Х-59 ни ишлаб чиқиш ва намойиш қилиш учун Lockheed Martin компаниясига 518 миллион доллардан кўпроқ пул тўлаган.

АҚШнинг Калифорния штати технологиялар ассоциацияси Х-59 ни штат миқёсидаги технология танловида 2025 йилнинг “Калифорнияда ишлаб чиқарилган энг зўр нарса” деб номлаган. 

Эслатиб ўтамиз, аввалроқ Индонезиянинг “Garuda Indonesia” авиакомпанияси Boeing B737-800 NG самолётларида таркибида 2,4 фоиз пальма ёғи бўлган янги ёқилғини синовдан ўтказган эди.

Бунёд Келдибоев