Трамп яна АҚШда туғма фуқароликни бекор қилмоқчи

АҚШ Президенти Дональд Трамп маъмурияти Олий судга унинг туғма фуқароликни бекор қилиш ҳақидаги фармони конституцияга мувофиқлигини таъминлаш учун апелляция аризаси билан мурожаат қилди. Бу ҳақда “The Independent” хабар берди.

Трамп ўзининг лавозимига киришган биринчи кунидаёқ имзолаган ижро фармони АҚШда туғилганларнинг барчасига фуқароликни кафолатловчи конституцияга киритилган 14-тузатишнинг бир асрдан ортиқ талқинига зид келади. Федерал судлар илгари уни амалга оширишга тўсқинлик қилган.

Ўз мурожаатида маъмурият тузатишнинг жорий талқини “хато” экани ва ёмон оқибатларга олиб келишини таъкидлайди. Бош адвокат Жон Заурнинг сўзларига кўра, судларнинг қарорлари “қонуний асосларсиз юз минглаб номақбул шахсларга Америка фуқаролиги имтиёзини беради”.

Бу маъмуриятнинг масалани Олий судга етказишга иккинчи уринишидир. Июнь ойида олтита судьядан иборат консерватив судлар ҳайъати бир нечта умуммиллий қарорлар федерал судларнинг ваколатларидан ошиб кетиши ҳақида қарор чиқарди. Бироқ туғма фуқаролик масаласи бўйича ҳеч қандай қарор қабул қилинмади.

Шу билан бирга, июль ойида 9-апелляция суди қарорни конституцияга зид, деб топди ва бу “Қўшма Штатларда туғилган ва унинг юрисдикциясига боғлиқ бўлган барча шахсларга” фуқаролик берадиган 14-тузатишнинг аниқ матнига зид, деб топди.

Миллий Соғлиқни сақлаш статистикаси маркази маълумотларига кўра, 2013 йилдан 2024 йилгача Қўшма Штатларда ҳар йили ўртача 860 минг бола чет эллик оналардан туғилган. 2023 йилда ҳужжатсиз иммигрант оилаларда 250 мингга яқин бола туғилди, бу барча янги туғилган чақалоқларнинг тахминан 7 фоизини ташкил қилади.

Маълумот учун, АҚШ конституциясига 14-тузатиш 1868 йилда қабул қилинган. Унда АҚШ ҳудудида туғилган ва унинг юрисдикциясига бўлган ҳар қандай шахс Америка фуқаролигига, барча фуқаролар учун қонунлар бўйича тенг ҳимояланишга ва суд қароридан ташқари ҳуқуқлардан маҳрум қилиш тақиқланишига кафолат беради.

Эслатиб ўтамиз, жорий йилнинг январь ойида АҚШ Президенти Дональд Трамп АҚШда туғилганлик ҳуқуқи асосида фуқаролик олишни чекловчи фармонни имзолаганди.