Фидан Украинадаги уруш тугашига оз қолганини айтди

north_east

Путин ва Зеленский барибир учрашмайди – Мерц

Украина бўйича тинчлик музокаралари истиқболи аллақачон кўриниб турибди ва улар Туркияда бўлиб ўтиши мумкин. Бу ҳақда Туркия Ташқи ишлар вазири Хоқон Фидан “A Haber” телеканали орқали шундай фикр билдирди.

“Туркияда Украина бўйича тинчлик музокаралари столи тез орада ўрнатиладими? Биз ҳозир шундай деб ишонамиз. Туркияда ҳам шундай бўлишига ишонаман. Бу бошқа жойда ҳам бўлиши мумкин, аммо ишончим комилки, тинчлик вақти келди”, деди вазир.

Унинг қайд этишича, Анқаранинг Украинадаги вазиятни тартибга солиш борасидаги сиёсати бошиданоқ изчил бўлган.

“Америка ва Европада урушнинг тугашини истамайдиган нуфузли доиралар бор. Дональд Трамп маъмурияти ҳокимиятга келиши билан Америка моҳиятан биз билан бир хил хулосага келди”, деб таъкидлади Фидан.

У Украина можаросига барҳам бериш бўйича Европа етакчиларининг позициясида ўзгаришлар бўлганини қўшимча қилиб, яқинда Анқарада Буюк Британия Бош вазири Кир Стармер ва Германия канцлери Фридрих Мерц ўртасида бўлиб ўтган музокараларни эслатиб ўтди.

Эслатиб ўтамиз, жорий йилнинг 11 ноябрь куни Украина Ташқи ишлар вазири ўринбосари Сергей Кислица “The Times” газетасига берган интервьюсида Россия ва Украина ўртасида шу йил давомида бўлиб ўтган тинчлик музокаралари натижа йўқлиги сабабли тўхтатилганини айтганди. Унинг сўзларига кўра, 2025 йилнинг ёзидан бери Киев халқаро ҳамкорларни Россия Президенти Владимир Путинга босимни кучайтиришга ва Украина Президенти Владимир Зеленский билан шахсий учрашувга ундашга уриниб келган.