Ўзбекистонлик 6 боксчи Жаҳон чемпионати финалига йўл олди
Спорт
−
09:36 6528 1 дақиқа
Кеча, 11 декабрь куни Бирлашган Араб Амирликларининг Дубай шаҳрида бокс бўйича катталар ўртасидаги IBA Жаҳон чемпионатининг ярим финал жанглари якунланди. Ўзбекистон терма жамоасининг 6 нафар аъзоси жангларда ғалаба қозониб, финал йўлланмасини қўлга киритди.
IBA Жаҳон чемпионатининг ярим финал баҳсларида 9 нафар ўзбекистонлик боксчи рингга кўтарилди. Улардан 3 нафари ўз баҳсларида мағлубиятга учраб, Жаҳон чемпионатининг бронза медалларини қўлга киритди. 6 нафар Ўзбекистон терма жамоаси аъзоси эса ғалаба қозониб, финалга йўл олди.
Финалга йўл олган ўзбекистонлик боксчилар рўйхати қуйидагича:
- -60 кг: Абдумалик Халоков;
- -67 кг: Асадхўжа Мўйдинхўжаев;
- -51 кг: Ҳасанбой Дўсматов;
- -80 кг: Жавоҳир Умматалиев;
- -92 кг: Тўрабек Ҳабибуллаев;
- +92 кг: Арман Маханов.
Шунингдек, -54 кг тоифасидаги баҳсларда қатнашган Асилбек Жалилов, -75 кг тоифасида Фазлиддин Эркинбоев, -57 кг тоифасида Хўжаназар Нортожиев мусобақанинг бронза медалларини қўлга киритди.
Маълумот учун, IBA Жаҳон чемпионатининг финал баҳслари эртага, 13 декабрь куни ўтказилади.
Live
Барчаси