Европа бизга тоза ҳаво учун пул тўлайди – Лукашенко

Беларусь резиденти Александр Лукашенко Европа давлатлари келажакда беларусликларга тоза ҳаво учун тўлов қилишини айтди. Бу ҳақда у бугун, 31 октябрь куни Березинский биосфера қўриқхонасига ташрифи чоғида сўз очди.

Лукашенконинг айтишича, Европа Беларусга мамлакатдаги ўрмонлар ва ботқоқликлар сақланиб қолиши ҳисобига ҳосил бўладиган мусаффо ҳаво учун пул тўлайдиган вақт яқин.

“Бу – келажак. Биз буни асрашимиз керак. Вақти келади, мана шу бадбўй Европа бизга Худо берган бойликни асраганимиз учун пул тўлайди”, деган у.

Лукашенконинг билдиришича, Европа Иттифоқида деярли тоза ҳаво қолмаган. 

“Улар бизга тўлаш ўрнига санкциялар билан бўғмоқда. Аммо бу ўтади, аллақачон ўтмоқда ҳам. Ўйлайманки, улар бизга бунинг учун пул тўлайдиган вақт узоқ эмас”, дейди Беларусь резиденти.

Эслатиб ўтамиз, аввалроқ Лукашенко Беларусга хориждан келган меҳнат муҳожирлари ва уларнинг оила аъзоларига ўз халқидек муносабатда бўлишга чақирган эди.

Моҳичеҳра Қадамова