Жастин Тимберлейк хасталикка чалинди 

Америкалик қўшиқчи Жастин Тимберлейк дунё бўйлаб гастроль сафари чоғида Lyme касаллиги (маҳалли боррелиоз) билан касалланди. Бу ҳақда у Instagram’даги саҳифасида маълум қилди.

Унинг сўзларига кўра, у бутун гастроль давомида соғлиғи билан боғлиқ муаммолар билан курашган.

“Баъзи соғлиқ муаммолари билан курашяпман ва менга Lyme касаллиги ташхиси қўйилган. Мен буни сизни менга ачиниш учун эмас, балки саҳна ортида нималар бўлганига ойдинлик киритиш учун айтяпман”, дея ёзган у.

Гастроль давомида у кўпинча қўшиқларни охиригача ижро этмагани учун томошабинлар томонидан танқид қилинган, шунинг учун Париж, Варшава ва Дублиндаги концертларда қўшиқларини ижро этмаслиги мумкин эди. 

Жастин Тимберлейк ҳам ўшанда танлов қилиши кераклигини айтди: концертни давом эттириш ёки тўхтатиш.

Forget Tomorrow дунё гастроллари Европа, АҚШ, Жанубий Америка ва ҳатто Шарқий Европанинг турли шаҳарларида концертларни ўз ичига олган. Сўнгги концертларнинг бир қисми Баку, Тбилиси ва Истанбул шаҳарларида бўлиб ўтди.

Маълумот учун, Lyme касаллиги ўргимчаксимонлар синфига мансуб бўлган ҳашорот – шомил чақиши орқали юқади. Касаллик неврологик оғриқ ва умумий чарчоқ орқали ўзини намоён қилади. Бунгача Жастин Бибер, Аврил Лавин, Белла Хадид ва Келли Осборн ҳам худди шундай касаликка чалинганди.

Эслатиб ўтамиз, аввалроқ машҳур хонанда Энрике Иглесиас ҳам жиддий касалликка чалингани ва шу туфайли Мексикада ўтказилиши режалаштирилган концертини бекор қилганини айтиб чиққанди.