Bugun O‘zbekiston Italiyaga qarshi o‘ynaydi

Bugun, 18 noyabr kuni O‘zbekiston U-17 terma jamoasi Qatarda bo‘lib o‘tayotgan Jahon chempionati nimchorak final bosqichida Italiyaga qarshi maydonga tushadi. Uchrashuv Toshkent vaqti bilan soat 17:30 da start oladi.

Islom Ismoilov boshchiligidagi O‘zbekiston jamoasi guruh bosqichida Paragvay va Panama ustidan qo‘lga kiritilgan muvaffaqiyatlardan keyin 1/16 finalda Xorvatiyani penaltilar seriyasida 4:3 hisobida mag‘lub etib, nimchorak finalga yo‘l oldi. Osiyo chempionlari musobaqa davomida 10 marta raqiblar darvozasini ishg‘ol qilgan bo‘lsa, 5 marotaba o‘z darvozasidan to‘p olib chiqqan.

Italiya U-17 terma jamoasi esa guruh bosqichida Qatar, Boliviya va Janubiy Afrika ustidan uchta g‘alabaga erishib, g‘olib sifatida pley-offga yo‘l olgan. 1/16 finalda italiyaliklar Chexiya ustidan 2:0 hisobida zafar quchdi. Yevropa jamoasi musobaqa davomida 10 ta gol urib, atigi 1 ta gol o‘tkazgan.

O‘zbekiston U-17 – Italiya U-17 bahsi g‘olibi 1/4 finalda Uganda – Burkina-Faso o‘rtasidagi uchrashuv g‘olibi bilan kuch sinashadi.