Kim Chen Inning qizi taxtga ehtimoliy voris bo‘lishiga ishora berildi

Shimoliy Koreya yetakchisi Kim Chen Inning vorisi sifatida tayyorlanayotgan qizi Ju Ae ota-onasi bilan birga sobiq rahbarlar xotirasiga hurmat bajo keltirish uchun Kumsusan maqbarasiga birinchi marta bordi. Uning ushbu tashrifi kelgusida otasining vorisi bo‘lishi mumkinligini anglatishi aytilmoqda. 

Chju E so‘nggi uch yil ichida davlat ommaviy axborot vositalarida tobora ko‘proq ko‘zga tashlanmoqda, bu esa tahlilchilar va Janubiy Koreya razvedka agentligining mamlakatning to‘rtinchi avlod rahbari bo‘lishi mumkinligi haqidagi taxminlarini kuchaytirdi. 

Sejong instituti tahlil markazi vitse-prezidenti Chon Son Chxan Chju Ening Kumsusan saroyida birinchi marta bo‘lishini otasining vorisligi rasmiylashtirilishi mumkin bo‘lgan hukmron partiya kongressi oldidan rejalashtirgan qadami sifatida baholadi. 

KCNA davlat axborot agentligining fotosuratlari shuni ko‘rsatdiki, 1 yanvar kuni maqbaraga tashrif buyurgan Kimga rafiqasi Li Sol Chju va yuqori lavozimli amaldorlar hamrohlik qilgan, 13 yashar Chju E ota-onasining o‘rtasida Kumsusan Quyosh saroyining asosiy zalida ko‘rinish bergan.

Davlatga qarashli Koreya Milliy Birlashish Institutining Shimoliy Koreya bo‘yicha mutaxassisi Xong Minning aytishicha, Shimoliy Koreya Kimning “barqaror oilasi” qiyofasini rafiqasi va qizini Kim bilan birga yirik tadbirlarda ko‘rsatish orqali tasvirlashga urinib kelgan. 

Davlat ommaviy axborot vositalariga ko‘ra, Chju E 1 yanvar kuni bu yilgi Yangi yil bayramlarida ishtirok etgan. Sentyabr oyida u otasi bilan birinchi marta xorijga ommaviy sayohatida Pekinga borgan. 

Kim yadroviy qurolga ega mamlakatning sulolaviy merosini tasdiqlovchi imo-ishora sifatida bobosi va davlat asoschisi Kim Ir Sen va otasi Kim Chen Irni muhim sanalar va yubileylarda xotirlash uchun Kumsusan Quyosh maqbarasiga tashrif buyuradi.