Koreyada sobiq birinchi xonimga 15 yil qamoq talab qilindi

Bugun, 3 dekabr kuni Janubiy Koreyaning sobiq birinchi xonimi Kim Keon Xi Seuldagi hibsga olish orderini ko‘rib chiqish bo‘yicha sud majlisida ishtirok etdi. Bu haqda “Reuters” xabar berdi.

Janubiy Koreya prokuraturasi poraxo‘rlik va boshqa ayblovlar bo‘yicha ayblangan va hozirda sud qilinayotgan sobiq birinchi xonim Kim Keon Xi uchun umumiy 15 yillik qamoq jazosini talab qildi. 

Bu ish sobiq prezident Yun Suk Yolning o‘tgan yili qisqa muddatli harbiy holat joriy etgani va bir vaqtlar qudratli bo‘lgan juftlik bilan bog‘liq janjallarga oid bir yil davom etgan tergov paytiga to‘g‘ri keladi.

Yunning harbiy holat e’lon qilinganining bir yilligi munosabati bilan bo‘lib o‘tgan sud jarayonida prokurorlar Kimning ayblovlari bo‘yicha yakuniy dalillarni e’lon qildi, jumladan, aksiyalarni manipulyatsiya qilish, hokimiyat brokeridan bepul fikr so‘rovini o‘tkazishni so‘rash orqali siyosiy mablag‘ yig‘ish qonunlarini buzganlik, shuningdek, Birlashish cherkovidan pora olish kabi ayblovlar qo‘yildi.

Sud zalida Kim qonunbuzarliklar sodir etmaganini aytdi. Shuningdek, u xavotir uyg‘otgani uchun xalqdan uzr so‘radi.

Eslatib o‘tamiz, oldinroq Janubiy Koreya prokuraturasi sobiq prezident Yun Sok Yolga qo‘shimcha ayblovlar qo‘ygandi. U o‘z vakolatini suiiste’mol qilganlikda va dushman davlatga, xususan, Shimoliy Koreyaga yordam berganlikda ayblanayotganligi haqida xabar berilgandi.