Lukashenko “Tinchlik kengashi”ga qo‘shilish haqidagi hujjatni imzoladi

Belarus rezidenti Aleksandr Lukashenko mamlakatning G‘azo bo‘yicha “Tinchlik kengashi”ga qo‘shilishi haqidagi hujjatni imzoladi. Bu haqda u kecha, 20 yanvar kuni mahalliy telekanalga bergan intayevyusida ma’lum qildi.

“Men hozirgina hujjatni imzoladim. Men ular so‘raganidek, Qo‘shma Shtatlarga tegishli murojaatni imzoladim, unda biz ularning ushbu Kengashning asoschi a’zosi bo‘lish taklifini qabul qilishga tayyor ekanligimiz bildirilgan”, deydi Lukashenko.

U Belarusning “Tinchlik kengashi”da ishtirok etish istiqbollari haqida gapirar ekan, mamlakat salohiyatini hushyorlik bilan baholayotganini, ayniqsa, G‘azo sektori bilan bog‘liq gumanitar masalalarda mumkin bo‘lgan yordam ko‘lami haqida hech qanday tasavvurga ega emasligini ma’lum qilgan. 

U Belarus Ukrainadagi vaziyatni o‘z ichiga olgan tinchlik tashabbuslari va muloqotni ilgari surish bo‘yicha Kengash ishida faol ishtirok etishni kutayotganini ham ta’kidlagan. Shuningdek, “Tinchlik kengashi”ning vakolati va ta’sirini boshqa mintaqalarga, birinchi navbatda Ukraina mojarosi sharoitida kengaytirish imkoniyatiga ko‘proq qiziqish bildirayotganini aytgan. Uning fikricha, Belarus tinchlik tashabbuslarini muhokama qilishga ko‘maklashuvi  Ukraina rahbariyatiga ta’sir ko‘rsatishi mumkin.

“Tinchlik kengashi”ga qo‘shilishning haqiqiy shartlari va 1 milliard AQSH dollarilik hissa zarurligi haqidagi mish-mishlar haqidagi savolga javoban rezident bu da’volar haqiqatga to‘g‘ri kelmasligini bildirgan.

“Bu kasal odamlar yana bir bor o‘zlarini ahmoq qilishdi. Siz shunchaki hujjatni o‘qib chiqishingiz kerak. Hech qanday pul talab qilinmaydi”, deydi u.

Lukashenko dastlabki 3 yil davomida ushbu tashkilotda ixtiyoriy ravishda asoschi sifatida ishtirok etish mumkinligini tushuntirgan. Uning aytishicha, 1 milliard AQSH dollarilik badal talabi faqat ushbu davrdan keyin davlat saylov jarayonlarida, taklifnomalarda yoki tayinlashlarda qatnashmasdan o‘z faoliyatini davom ettirishni kutgan taqdirdagina yuzaga keladi. 

“Demak, bularning barchasi yolg‘on. Aytishlaricha, mening reytingimni, rolimni va hokazolarni pasaytirish. Albatta, bu men uchun muhim. Lekin bu men o‘ylaydigan oxirgi narsa. Agar 1 milliard AQSH dollari to‘lash kerak bo‘lsa, men uni to‘lardim”, deydi Lukashenko.

Shuningdek, u bu miqdor faqat uch yildan keyin ish formati saqlanib qolishi kerak bo‘lgan taqdirdagina zarurligini ta’kidlagan. Shu bilan birga, Lukashenko muqobil shart mavjudligini aytib o‘tgan. Unga ko‘ra, tinchlik uchun faol va vijdonan hamkorlik bilan badal to‘lamasdan ishtirok etishni davom ettirish mumkin va aynan shu variantni ko‘zlayotganini qo‘shimcha qilgan.

Eslatib o‘tamiz, avvalroq AQSH Prezidenti Donald Tramp 22 yanvar kuni Davosda bo‘lib o‘tadigan Jahon iqtisodiy forumi doirasida G‘azo sektorini tartibga solish bo‘yicha “Tinchlik kengashi” vakolatlari va nizomining to‘liq matnini tasdiqlashni rejalashtirayotgani haqida xabar berilgan edi. 

Shuningdek, Donald Tramp bugungacha ushbu Kengashga Rossiya, Turkiya, Hindiston, Misr, Qozog‘iston va O‘zbekiston Prezidentlarini taklif qilgani va ushbu kengashda oltmishga yaqin mamlakat ishtirok etishi kutilayotgani haqida xabar berilgandi.