Эрондаги уруш сабаб Ўзбекистон самолётлари ортга қайтмоқда

Айни пайтда Эрондаги уруш сабаб Ўзбекистондан парвоз қилган самолётлар ортга қайтди. Бу ҳақда Uzbekistan Airports хабар берди. 

Маълум бўлишича Эрон ва Исроил ҳаво ҳудудларининг ёпилиши сабаб бир нечта авиарейслар аэропортларига қайтишга мажбур бўлган. Хусусан, 5 та рейс ортга қайтган:

Андижон – Мадина йўналишида учган 7Q4461 “Fly One Asia” рейси Андижон аэропортига;

Мадина – Тошкент йўналишида учган 7Q4461 “Fly One Asia” рейси Мадина аэропортига;

Тошкент – Дубай йўналишидаги HH901 “Qanot Sharq” рейси Тошкент аэропортига;

Мадина – Андижон йўналишида учган 2U7706 “Fly Khiva” самолёти Мадина аэропортига;

Жидда - Тошкент йўналишида учган 9S3302 “Air Samarkand” самолёти Жидда аэропортига қайтишган мажбур бўлган. 

Эслатиб ўтамиз, аввалроқ Тошкентдан Дубайга йўл олган “Qanot Sharq” авиакомпаниясига тегишли самолёт Эрон осмони ёпилгани сабабли ортга қайтишга мажбур бўлгани ҳақида хабар берилганди.