Модрич ЖЧдан кейин фаолиятини якунлаб, “Реал”га қайтади – ОАВ
Спорт
−
13 Июнь 1413 1 дақиқа
Хорватиялик ярим ҳимоячи Лука Модрич 2026 йилги Жаҳон чемпионатидан сўнг футболчилик фаолиятини якунлашга ва Мадридга қайтишга тайёр. Бу ҳақда инсайдер Николо Скира хабар берди.
Манбага кўра, 40 ёшли футболчи фаолиятини тугатгач, “Реал Мадрид” клубида маълум бир лавозимни эгаллаши бўйича келишувга эришган.
Модрич 2012 йилдан 2025 йилгача “Реал Мадрид” сафида тўп сурган. Бу давр мобайнида Лука тўрт марта Испания чемпиони бўлди ва олти марта UEFA Чемпионлар лигасида ғолиб чиқди. 2018 йилда эса ярим ҳимоячи “Олтин тўп” мукофотини қўлга киритиб, бунга эришган биринчи хорват футболчисига айланганди.
Маълумот учун, Хорватия терма жамоаси жорий йилги Жаҳон чемпионатида “Л” гуруҳидан ўрин олган бўлиб, унда Англия, Панама ва Гана терма жамоалари билан баҳс олиб боради. Хорватия ва Англия ўртасидаги учрашув жорий йилнинг 16 июнь кунига белгиланган.
Live
Барчаси
