Осиё чемпионати. Финалда жанг қилган 2 ўзбекистонлик боксчи мағлуб бўлди

Монголияда бокс бўйича катталар ўртасидаги Осиё чемпионати давом этмоқда. Бугун, 9 апрель куни Ўзбекистон терма жамоасининг икки вакили олтин медаль учун курашда имкониятни бой бериб қўйди.

-75 кг вазн тоифасида рингга кўтарилган Азиза Зокирова хитойлик Бао Цзига қарши жангда 2:3 ҳисобида мағлуб бўлган бўлса, -80 кг вазн тоифасида қозоғистонлик Надежда Рябецда Ўзбекистон терма жамоасининг яна бир вакили Руҳшона Парпиевани 5:0 ҳисобида мағлуб этди. Шу тариқа ҳар иккала ўзбекистонлик боксчи турнирнинг кумуш медаллари билан кифояланадиган бўлди.

Эслатиб ўтамиз, жорий йил 6-7 апрель кунлари бўлиб ўтган ярим финал баҳсларида -57 кг вазн тоифасида жанг қилган Нигина Ўктамова ва -60 кг вазн тоифасида Абдураҳмон Маҳмуджонов, +80 кг вазнда Олтиной Сотимбоева ва -70 кг вазнда Ойша Тоирова мағлуб бўлиб бронза медалларга эга чиққанди. 

Эслатиб ўтамиз, ўшанда Ўктамова ярим финал баҳсидан сўнг ҳакамлардан норози эканлигини билдирганди.

Рамазон Усанов